gagauziya_dumanda

20.03.2016, tarafından yazılı , CÜMNE BÖLÜMÜ, 128 KERÄ BAKILMIŞ

Gagauziya devletliin yıkılmasına ilk denemä topu atıldı

Gagauziya devletliin daalması “birleşmektän” başlayacek. Gagauziya erinä Bulgar-Gagauz osa GagauzBulgar avtonomiyası mı geler?

Baba Marta ayın 1-dä Gagauziya Halk Topluşu inceledi soruşu “Svetlıy küüyünä Kortenul Nou küüyünü eklemää”. Maamilä surat – insannar istärmiş. İnceledi, ama kabletmedi. Dedilär ilktän o küüdä referendym olsun da sora bakaceklar: kabletmää mi, kabletmemää mi!? Bu ilk denemä. Herliim bu yapı- lırsa arkadan, sincir gibi, Gagauziyaya başka bulgar küüleri da eklenecek. Korten, hem Tvardiţa gibi Taraklı hem Basarbka rayonnarın bulgar küüleri bu işä çoktan sırada durêrlar. Bu aslıya çıkırsa, Gagauziyanın daalması “birleşmektän” başlayacek: Gagauziya erinä Bulgar-Gagauz yada Gagauz-Bulgar avtonomiyası gelecek. Esaba alarak onu, ani bitki vakıtlarda Gagauziya öndercileri bulgar küülerin hem kasabaların işlerini yapêrlar, belli, ani Bulgar-Gagauz yada Gagauz-Bulgar avtonomiyası fantastikadan aslıya dönecek. Bununnan da “Gagauziya (Gagauz Yeri) ozel hakk statusu” proektı bitecek. Baba Marta ayın 1-dä Gagauziya devletliin yıkılmasına ilk denemä topu atıldı artık.

BİR CUVAP YAZIN