romun-gagauz-2

14.07.2015, tarafından yazılı , CÜMNE BÖLÜMÜ, 1302 KERÄ BAKILMIŞ

Romın hem gagauz dilleri paralel üürenilecek

Orak ayın (iyül) 14-dä Komratta oldu bir konferenţiya, ani açtı proektı “Integrarea cu respect pentru diversitate – învăţarea simultană a limbilor română şi găgăuză”. Bu proekta para yardımı verer OSCEnın azınnıklar işlerinä bakan Baş komisarı.

Proekta görä Komratta, Çadırda hem Valkaneştä açılacek parasız 10 grupa, neredä analar-bobalar, uşaklarlan barabar, altı ayın içindä, üüreneceklär romın dilini.

“Integrarea cu respect pentru diversitate – învăţarea simultană a limbilor română şi găgăuză” proektını yapêr ANTEM (Asociaţia Naţională a Trainerilor Europeni din Moldova) ortaklıkta Moldova üüredicilik ministeriinnän, Moldova Bilimnär akademiyasının kultura varlıı İnstitutunnan, Moldovanın etniklararası ilişkilär Bürosunan, Gagauziya İspolkomunnan.

Konferenţiyada pay aldılar hem nasaat ettilär Gagauziya Başkanı İrina VLAH, OSCEnın azınnıklar işlerinä bakan Baş komisarı Christian KNUST, Romıniya Büükelçisi Marius LAZURKA, Türkiye Büükelçisi Mehmet Selim KARTAL, Germaniyanın Büükelçisi Ulrike KNOTZ, Moldovada Evropa Birlii delegaţiyasının politika konsilyerı Mindaugaz KAÇERAUSKİS, Moldova Pravitelstvonun temsilcisi Boris GILKÊ, Moldovanın etniklararası ilişkilär Büronun Baş direktoru Elena BELEACOVA, Moldovanın üüredicilik ministerliin baş konsultantı Alla NİKİTÇENKO, ANTEM (Asociaţia Naţională a Trainerilor Europeni din Moldova) direktoru Lucia KUKU.

Konferenţiyada Gagauziya İspolkomun hem ANTEM (Asociaţia Naţională a Trainerilor Europeni din Moldova) arasında imzalandı bir işbirlii annaşması, angısının altında imzalarını koydular Gagauziya İspolkomun predsedatel yardımcısı Olesä TANASOGLU hem ANTEM (Asociaţia Naţională a Trainerilor Europeni din Moldova) direktoru Lucia KUKU.

Bundan kaarä konferenţiyaya katıldılar bilim adamnarı, üüredicilär, Gagauziyanın uşak başçalarının direktorları, yazıcılar, cümne insannarı hem jurnalistlär.

BİR CUVAP YAZIN