azerbaycan_prezidentinnan_bulusmak

27.06.2017, tarafından yazılı , CÜMNE BÖLÜMÜ, 715 KERÄ BAKILMIŞ

Azerbaycan Gagauziyaya yardım edecek

Kirez ayın (iyün) 21-22 günnerindä Moldovanın Prezidentı İgor DODON yapti bir ofiţial vizit Azerbaycan Respublikasına. Bu vizitta o yanına aldı Moldova Soţialistlar partiyasının başını Zinaida GREÇANIYı hem Gagauziya Başkanının İrina VLAHı.

Vizit zamanında İgor DODON buluştu Azerbaycan Respublikasının Prezidentınnan İlham ALİEVlan, Azerbaycan Premyer-ministrusunnan Artur RASİ-ZADEylan hem Azerbaycan Parlamentın (Milli Meclis) spikerınnan Oktay ASADOVlan.

Azerbaycana vizittan sora, Gagauziya Başkanı İrina VLAH açıkladı, ani vizit zamanında annaşılmış Gagauziyayı hem Azerbaycanın Gabala rayonu işbirlii kardaşlıı kuracek.

Bundan kaarä Azerbaycanda olan kultura yortularında pay alaceklar Gagauziyanın artistleri hem ansamblileri. Onnarın bütün harçlarını, başlayıp yol parasından konaklamayadan, üstünä Azerbaycan alacek.

Vizitın en önemni sonucu oldu o, ani annaşıldı ki Gaydar ALİEV adına Fondu yapacek Gagauziyanın başkasabasında Komratta bir Kultura-üüredici Merkezinin binasını.

Foto – president.az saytından.

BİR CUVAP YAZIN